Xarici Filimler Azəri Dilində
Alt Kateqoriya
Kapitan Uolton öz dəstə üzvləri ilə Şimal Qütbünə yollanır. Arktik
səhrada Uoltonu, sirli insanabənzər məxluqu təqib edən alim Viktor
Frankenşteyn qarşılayır. Tədqiqatçı kapitana öz inanılmaz hekayəsini
danışır. O, hələ universitetdə tələbə olduğu illərdən bəri son dərəcə
unikal eksperimentlər aparır. Anasının nakam ölümündən sonra Viktor
ölümə qalib gəlməyin yolunu axtarıb tapmağı qarşısına məqsəd qoyur,
ölüləri diriltməyə çalışır. Onun səyləri qismən öz nəticəsini versə də,
gözləntilərinin əksinə aqressiv bir bədheybət meydana gəlir. Viktorun bu
eksperimentləri həm özü, həm ona əziz olan insanlar üçün faciəvi
nəticələrə gətirib çıxarır.
Baş qəhrəman məşhur gənc fotoqrafdır. Bir dəfə şəhər parkında o,
təsdüfən öpüşən cütlüyün şəklini çəkir. Sonradan fotoböyütmə zamanı o,
şəklin arxasında cinayətin gizləndiyini aşkar edir...
Yazıçı Uilyam Forrester uzun illər tərkidünya həyat yaşayırdı. Onun
haqqına axırıncı dəfə 40 il əvvəl işıq üzü görən möhtəşəm romanı zamanı
eşitmişdilər. O, vaxtdan bəri onun evinə heç kim daxil ola bilməmişdi.
Lakin bir gün 16 yaşlı Camal Uolles onun evinə girməyi və canlı əfsanəni
danışdırmağı bacarır...
Sendi adlı yeniyetmə oğlan adaya-əmisinin yanına gəlir. Bura heç də onun
ürəyincə deyil. Onun dostu yoxdur, rok konsertinə getmir və şam
yeməyində həmişə makaron olur. Lakin bir gün o, Flipper adlı delfini
xilas edir və hər şey dəyişir. Delfin onun ən yaxın dostuna çevrilir.
Conatan Flinn qələm adamıdır. Artıq uzun müddətdir ki, romanlar,
hekayələr yazır. Bir çox əsərlərini şedevr hesab edir, bu əsərlərin ona
dünya şöhrəti qazandıracağına ümid edir. Ancaq kitablardan hələ ki,
lazımınca gəlir götürə bilmədiyindən taksi sürücüsü kimi dolanır. Onu 18
il görməyən oğlu Nikin də ədəbiyyata böyük həvəsi var. O, sevgilisi ilə
yollarını ayıraraq, şəhərin mərkəzində otaq kirayələyir. Atasından
fərqli olaraq, böyük planlar qurmağa tələsmir. Ancaq təsadüfi bir hadisə
Niklə Conatanı yenidən bir araya gətirir. Nik kimsəsizlərə xidmət edən
sığınacaqda işə düzəlir. Orada yaşayış yerindən məhrum olmuş atası ilə
rastlaşır. Bir müddətdən sonra Conatanı ipə sapa yatmayan, qaba
davranışına görə sığınacaqdan da qovurlar. Məzlum vəziyyətə düşmüş
atasına ürəyi acıyan Nik onu qaldığı mənzilə aparır.
Filmin qəhrəmanı Kelli Ceykobs məşqçisi olan atasının ölümündən sonra
atçılıq idmanından uzaqlaşır. O, atları dəlicəsinə sevir, ancaq bu
bədbəxt hadisədən sonra at tövləsinin yanına belə yaxınlaşa bilmir.
Bütün boş vaxtını Kelli məişətdə anasına kömək etməklə keçirir. Flika
adlı yeni atın gəlişi ilə hər şey dəyişir. Bəzi bədxahlar onların
atlarını almaq niyyətindədirlər. Sevimli atlarını xilas etmək üçün o, öz
məharətini göstərib yarışda qələbə qazanmalıdır. Vəhşi mustanqla ilk
tanışlıqdan sonra Kelli atı əhilləşdirib yarışa qatılmaq qərarına gəlir.
Adi şəhərli yeniyetmə Kerrinin həyatı atasının yanına - fermaya
köçdükdən sonra dəyişir. Burada o, Filika adlı atla dostlaşır və bu,
onun həyata baxışını dəyişir. Flikanın həyatına təhlükə yarandıqda isə
o, ən yaxşı dostunu xilas etmək üçün hər şeyi edəcək..
Onlar vəhşi təbiətdə ratlaşıblar. 16 yaşlı Keyti və 2 yaşlı vəhşi at
Flika nə qədər fərqli olsalar da, daxilən çox oxşardırlar. Qürurlu,
azad, həyatsevər, müstəqilliyə can atan. Onlar hər şeyi bağışlaya
bilirlər, xəyanətdən başqa...
Keçmişdə konservatoriyanın tələbəsi və fleytada gözəl ifa edən, indi isə
Baş idarələrdən birində rəis, "böyük adamın" qızının əri olan Leonid
Semyonoviç Filimonovun qəfildən ürəyi tutur. Bu xoşagəlməz hadisə onun
gənc tibb bacısı Lida ilə tanışlığına gətirib çıxarır və onların
arasında alovlu məhəbbət yaranır.
Flandriya. Demestr vaxtını fermada və uşaqlıq dostu Barbla keçirir. O,
Barba gizlicə aşiqdir. Vaxt gəlir, Demestr başqaları kimi evdən
uzaqlara- müharibəyə gedir. Müharibə onu əsl döyüşçüyə çevirir.
Mövsümlər keçir Barb tənhalıqda əsgərlərin qayıdışını gözləyir. Bəs
görəsən Demestr Barba olan sevgisini qoruyub saxlaya biləcəkmi?...
Fizzənin qardaşı Aman qarışıqlıq vaxtı yoxa çıxır. Ölənlər arasında
onun meyiti tapılmır. Televiziya və mətbuat vasitəsilə də axtarışlar
nəticə vermir.
Artıq hadisədən 7 il ötür. Fizzə
anası ilə qəlblərinin dərinliklərində Amanın ölümü ilə barışsalar da,
hələ də onun sağ olduğuna ümid edirlər. Lakin bir dəfə Fizzə avtomaşının
pəncərəsindən izdihamın arasında qardaşını görür...
Gənc firon XIII Ramzes dövlətin işlərinə və xəzinəsinə təsir sahəsində Misir ruhaniləri ilə qarşı-qarşıya qalır...
Harvardın hüquq fakültəsinin məzunu Mitçi kiçik hüquq firmasına işə
dəvət edirlər. Mitç şərtləri yüksək olan firmada yüksəlmək arzusu ilə
işə başlayır, lakin tezliklə firmanın Çikaqonun nüfuzlu mafiya
klanlarına xidmət göstərdiyini öyrənir. Əməkdaşlıqdan imtina etmək özü
üçün ölüm hökmü çıxarmaq deməkdir. Digər tərəfdən isə onu FTB güdməyə
başlayır...
Leyla beş il həbs yatdıqdan sonra azadlığa çıxır. O, bədbəxt hadisə
nəticəsində gözlərinin nurunu itirən gənc atlet Yanniklə rastlaşır.
Əlilliyinə baxmayaraq o, məşq etməyə davam edir, lakin onun bir
bələdçiyə ehtiyacı var. Keçmişində özü də atlet olan Leyla Yannikə kömək
etmək qərarına gəlir.
Cakarta beynəlxalq məktəbində müəmmalı fəlsəfə müəllimi məzuniyyət
imtahanı üçün 20 tələbəyə qəribə bir eksperiment keçirməyi təklif edir.
Bu, ən ekstremal təcrübə olacaq. Məntiq gücüylə qalib gələn 10 tələbə
yeraltı bunkerdə məhdud yerləri əldə edəcəkdir. Bu bunker yaxınlaşmaqda
olan nüvə qəzasından qurtulmaq üçün tikilmişdir. Bunların hamısının
reallıqda baş verib vermədiyinə tamaşaçı qərar verir.
Veterinarlıq oxuyan Ceykı valideynlərinin vəfatından sonra təhsilini
davam etdirə bilmir və bir sirkdə işə girir. Burada o, gözləmədiyi halda
həyatının eşqi ilə qarşılaşır. Bu, sirkdə çalışan, amansız heyvan
təlimçisi Auqustun arvadı olan gözəl Marlenadan başqası deyil. Ceyki və
Marlena ortaq xəyalları çərçivəsində sirk dünyasını yenidən kəşf
edirlər..
Avtomobil qəzası zamanı cəngəlliyə düşən balaca Racunu bir fil xilas
edir. Beləliklə, insanla filin dostluğu başlayır. Racu filə Ramul adını
verir. Fillər Racunun düşdüyü hər çətinlikdə onun köməyinə çatacaqlar.
Bir-birindən ağ və qara qədər fərqli iki baş qəhrəman - Endryu və Co.
Lakin onların hər ikisi qanuna xidmət edir və istənilən ədalətsizliyə
qarşı mübarizə aparmağa hazırdırlar
Film analarını itirən fil balaları Tutu və Zefin sərgüzəştlərindən bəhs
edir. Onları bu yolda çoxsaylı təhlükə və macəralı səyahət gözləyir.
