admin
admin 17 Nov 2020
4
watermark logo

Növbəti

Iki Tüstü (Tam Film) (2015) 18+
25 Nov 2020
Iki Tüstü (Tam Film) (2015) 18+
admin · 1 Baxışlar

4.1 Şəhər motivləri (2015) - ingilis dilində subtitrlə

3 Baxışlar

tammetrajlı bədii film, kinoalmanax

Kinoalmanax xarici ölkələrdə təhsil almış gənc azərbaycanlı rejissorların çəkdikləri 5 qısametrajlı filmdən ibarətdir. Film Azərbaycan Prodüserlər Gildiyasının elan etdiyi “Geniş baxış” ssenari müsabiqəsinin qalibi olan (29.05.2013) “Motivlər...” layihəsi əsasında çəkilib.

İl: 2015
İstehsalçı: Azərbaycanfilm, Adari films
Müddət: 160 dəqiqə
Mükafatlar:
1. Filmin layihəsi Azərbaycan Kinoprodüserlər Gildiyasının “Geniş baxış” tammetrajlı bədii film üçün ssenari müsabiqəsinin qalibidir (2013).

Prodüserlər: Müşfiq Hətəmov, İradə Bağırzadə

QONŞU QADIN
Janr: melodram
Müddət: 26 dəqiqə
Rejissor: Anar Abbasov
Ssenari müəllifləri: İradə Bağırzadə, Anar Abbasov
Operator: Aleksey Şepilov
Rollarda: Gülzar Qurbanova, Cavanşir Hadıyev, Arzu Ağayeva, Samirə Əliyeva (II)
Əri ilə problemi olan və kişilərə nifrət hissi ilə yanaşan qadın və ailəli də olsa başqa bir evdə tək yaşayan kişi... Köhnə Bakı həyətlərində bir qonşu o birinin evində baş verən hadisələri öz evinin içindəki kimi eşidə bilir. Qadın qonşusunun ayrılıq səhnəsinin şahidi olur. Bu hadisədən sonra qonşular hislərə qapanaraq xırda münaqişələrə girirlər. Bəlkədə bu ciddi münasibətlərin başlanğıcı ola bilər. Qəfildən qadının əri qayıdır və onlar barışırlar.

KƏDƏRİM
Müddət: 24 dəqiqə
Rejissor: Rüfət Həsənov
Ssenari müəllifi: Rüfət Həsənov
Operator: Mixail Belkin
Bəstəkar: Roman Şulqa
Rollarda: Roman Şulqa, Əli Nəsib, Teymur Nadir, Zemfira Sadıqova, Rita Əmirbəyova
Film bəxti gətirməyən musiqiçi haqqındadır. O, tüfeyli həyat tərzi keçirir, valideynləri və həyat yoldaşı bundan narazıdırlar. Amma günlərin birində, sanki bəxti açılır və onu möhtəşəm bir yığıncaqda ifa etməyə çağırırlar.
Film müasir gəncliyin həyat tərzinə toxunur. Filmdəki obrazları musiqiçilər yaradıblar. Onlar həyatda olduğu kimi, kinolentdə də öz talelərini oynayırlar. Musiqi ilə məşğul olan gənc oğlanın həyatından bəhs edən filmdə nəsillərin dünyagörüşü, həyat tərzi toqquşur. Ailə, milli dəyərlər, adətlər yaşam tərzində və münasibətlərdə gərginlik yaradır. Gənc musiqiçinin fərqli həyat tərzi nə ailəsi, nə də ətrafındakı insanlar tərəfindən müsbət qarşılanmır.

YUXARIDA VƏ AŞAĞIDA
Müddət: 29 dəqiqə
Janr: dram
Mükafatlar:
1. “Umut” MDB ölkələrinin Gənc Film Forumu - müsabiqə proqramınının “Ən yaxşı bədii film” diplomu (2016, Bişkek / Qırğızıstan)
Rejissor: Teymur İsmayılov
Ssenari müəllifi: Teymur İsmayılov
Operator: Nadir Mehdiyev
Bəstəkar: Gökhan Ceylan
Rollarda: Eyvaz Əliyev, Namiq Ağayev (Səməd), Arzu Əhmədov, Xumar Səlimova, Cəmilə Tağızadə
Film hündürlükdən qorxan gənc fəhlədən bəhs edir. Bu gənc, kasıb, eyni zamanda qürurlu oğlanın öz arzuları, düşüncələri var. Bütün çətinliklərə baxmayaraq, o, şəxsiyyətini, mərdliyini qoruya bilir. Fəhlə oğlanın sevdiyi qızın bahalı zinət əşyalarına, dəbdəbəli binalara baxışı ilə insanlar arasında fərqliliyi göstərilir. Tikinti sahəsində lentə alınan filmdə baş qəhrəmanlardan birini həmin tikilən binada çalışan kran ustalarından biri canlandırır. Hadisələrin gedişində gənc fəhlə kran operatorunu xilas etmək üçün hündürlük qorxusu hissini üstələməli olur.

DMİTROV KÜÇƏSİ 86
Müddət: 35 dəqiqə
Janr: dram
Rejissor: Cəfər Axundzadə
Ssenari müəllifi: Cəfər Axundzadə
Operator: Əlişir Həmidxocayev
Bəstəkar: Rüstəm Zeynallı
Rollarda: Zemfira Sadıqova, Əlibəy Məmmədli, Əbdül Mahmudbəyov, Dilarə Kazımova, Günel Məmmədova (Şəfiqənin qızı), Tural Əsədov
Hadisələr gecə yarısı bir gənclə evini axtaran qoca qadının təsadüfi qarşılaşması fonunda təqdim olunur. Qadın Qarabağ müharibəsində oğlunu itirib. Uzun müddət evdən çıxmayan qadın tamamilə yeni və müasir Bakı ilə tanış olur. Artıq küçələrin ünvanları və Bakının siması tamamilə dəyişilib.
Müharibədə oğlunu itirmiş ana neçə illərdir evdən bayıra çıxmır. Səbəb isə onun oğlunun ölümündən xəbərsiz olması və bir gün oğlum qayıdar, evdə heç kim olmaz, qapı bağlı olar qorxusu. Yolu itirən qadın Dmitrov küçəsi 86-nı axtarır ona rast gələn gənc oğlan isə bütün şəhəri axtarıb həmin küçəni tapa bilmir. Əslində isə həmin küçə elə oğlanın yaşadığı indiki Şəmsi Bədəlbəyli 86 ünvanıdır. Deməli, hər iki insan eyni şəhərin sakini olmaqla yanaşı, həm də bir-birindən xəbərsiz qonşulardır...

ZABİT ŞƏRƏFİ
Müddət: 44 dəqiqə
Janr: ekşn, detektiv
Mükafatlar
1. I Qızıl Pəri Mükafatları - ən yaxşı qısametrajlı bədii film (2015, Bakı)
Rejissor: Vüqar İslamzadə
Ssenari müəllifi: Vüqar İslamzadə
Operator: Cəbrayıl Rəfiyev
Rəssam: Cavid Hüseynov
Bəstəkar: Orxan Bağırov
Rollarda: Rövşən Vəliyev, Aqil M.Quliyev, Azər Aydəmir (Seymur), Əbdül Mahmudbəyov
Film cinayətkar qrup və onların qarşısını alan xüsusi xidmət orqanı işçisi haqqındadır.

Dahacox
0 Komentlər sort Görə sırala

Növbəti

Iki Tüstü (Tam Film) (2015) 18+
25 Nov 2020
Iki Tüstü (Tam Film) (2015) 18+
admin · 1 Baxışlar